४ कार्तिक,काठमाण्डाै । य्रधानमन्त्री शुशिला कार्कीले आगामी फागुन २१ गतेका लागि तय गरिएको निर्वाचनको विषयमा आज (कात्तिक ४ गते) राजनीतिक दलहरूसँग औपचारिक छलफल गर्दै हुनुहुन्छ।
प्रधानमन्त्रीको सचिवालयका अनुसार कार्कीले राष्ट्रिय मान्यता प्राप्त सात राजनीतिक दलका प्रतिनिधिलाई छलफलका लागि बोलाउनु भएको छ। छलफल आज दिउँसो ४ बजे प्रधानमन्त्री निवास बालुवाटारमा हुने तय भएको छ।
प्रधानमन्त्री कार्कीले राष्ट्रिय मान्यता प्राप्त दलहरूलाई दुई–दुई जना प्रतिनिधि पठाउनका लागि औपचारिक पत्र नै लेख्नुभएको छ।
छलफलका लागि बालुवाटार बोलाइएका दलहरूमा नेपाली कांग्रेस, नेकपा (एमाले), नेकपा (माओवादी केन्द्र), रास्वपा, राप्रपा, जसपा र जनमत पार्टी रहेका छन्।
प्रतिक्रिया दिनुहोस् !