१ कार्तिक, रौतहट । रौतहटको झाँझ नदीमा नुहाउन गएका दुई जना बालकको डुबेर मृत्यु भएको छ।
शनिबार गरुडा नगरपालिका–५ शिवनगरस्थित झाँझ नदीमा सो घटना भएको प्रहरीले जानकारी दिएको छ।
जिल्ला प्रहरी कार्यालय गौरका प्रहरी नायब उपरीक्षक (डीएसपी) राजु कार्कीका अनुसार मृत्यु हुने बालकहरू देवाही गोनाही नगरपालिका–३ का हुन्। उनीहरू १० वर्षीय निरज साह र सोही उमेरका अर्का अर्जुन साह रहेका छन्।
नदीमा बालकहरू डुबेको देखेपछि स्थानीयले तत्काल उद्धार गरी शिवनगरस्थित संजिवनी अस्पताल पुर्याएका थिए। तर, अस्पताल पुर्याइएका दुवै जना बालकलाई चिकित्सकले मृत घोषित गरेको प्रहरीले जनाएको छ।
घटनाबारे जिल्ला प्रहरी कार्यालय रौतहटले थप अनुसन्धान गरिरहेको जनाएको छ।
प्रतिक्रिया दिनुहोस् !