३१ असाेज,बारा । जनकपुरधामको सोनारपट्टीमा शुक्रबार साँझ गोली चलेको छ । बिलबिजक (बिल) बिना नै सुनचाँदी खरिदबिक्री भइरहेको भन्ने सूचनाका आधारमा प्रहरीको टोली एक सुनचाँदी व्यवसायीको पसलमा छापा मार्न पुगेको थियो ।
प्रहरी छापा मार्न पुगेपछि व्यवसायीहरूले अवरोध गरेका थिए । व्यवसायीको अवरोधपछि स्थितिलाई नियन्त्रणमा लिन प्रहरीले गोली चलाउनु परेको हो । यति मात्र नभई, स्थितिलाई नियन्त्रणमा लिन प्रहरीले अश्रुग्यास समेत प्रहार गरेको छ ।
जिल्ला प्रहरी कार्यालय स्रोतका अनुसार कति राउन्ड फायर भएको भन्ने बुझ्ने कार्य भइरहेको छ । घटनाबारे थप विवरण आउन बाँकी रहेको प्रहरीले जनाएको छ ।
प्रतिक्रिया दिनुहोस् !