३० साउन,रूपन्देही । सुप्रिम सहकारी ठगी प्रकरणसम्बन्धी मुद्दामा उच्च अदालत तुलसीपुर, बुटवल इजलासले राष्ट्रिय स्वतन्त्र पार्टी (रास्वपा)का सभापति रवि लामिछाने र नेपाल प्रहरीका पूर्वडीआईजी छविलाल जोशीको मुद्दाको फाइल एकैसाथ पेश गर्न आदेश दिएको छ।
बिगो रकम बुझाएर बाहिरैबाट मुद्दा लड्ने माग
आफ्नो व्यक्तिगत हिस्सामा पर्ने बिगो रकम बुझाएर थुनामा नबसी बाहिरै बसेर मुद्दा लड्न पाउनुपर्ने माग गर्दै लामिछाने र जोशी दुवैले उच्च अदालतमा रिट निवेदन दायर गरेका थिए।
जिल्ला अदालतले गरेको थियो रिहा गर्न अस्वीकार
यसअघि जिल्ला अदालतले लामिछाने र जोशी दुवैले समान रकमको जमानत पेस गरे पनि उनीहरूको व्यक्तिगत बिगो कति हो भन्ने स्पष्ट नभएको भन्दै रिहा गर्न अस्वीकार गरेको थियो। जिल्ला अदालतको यही आदेशविरुद्ध उनीहरू उच्च अदालत पुगेका हुन्।
उच्च अदालतको आदेश
उच्च अदालतको बुटवल इजलासले अब यी दुई मुद्दालाई एकैसाथ राखेर सुनुवाइ गर्ने भएको छ। अदालतले दुवैको फाइल एकैसाथ पेस गर्न आदेश दिएको हो। जेनजी आन्दोलनपछि पनि लामिछाने र जोशीको फाइल भने सुरक्षित रहेका छन्।
प्रतिक्रिया दिनुहोस् !