२७ असाेज,बारा । बारा जिल्लाको देवताल गाउँपालिका अन्तर्गत रहेको श्री ने.रा.मा.वि. पिप्राढी-३ ले गाउँ कार्यपालिकाको कार्यालयलाई कुनै सूचना जानकारी नदिई आफ्नै मनपरी ढङ्गले विद्यार्थीहरूलाई विदा घोषणा गरी विद्यालय बन्द गरेकोले गाउँपालिकाले सम्पूर्ण शिक्षक तथा विद्यालय कर्मचारीहरूलाई कारवाही गरेको छ।
असाेज २६ गतेका दिन विद्यालय बन्द रहेको र विद्यार्थीहरू विद्यालय पोशाकमा नै सांस्कृतिक कार्यक्रममा देखा परेको भन्दै जनगुनासो आएपछि गाउँपालिका अध्यक्ष उदय प्रसाद यादवको उपस्थितिमा छड्के अनुगमन गरिएको थियो।
नियम उल्लङ्घन गरेको ठहर गर्दै गाउँपालिकाले सो विद्यालयका सम्पूर्ण शिक्षक तथा विद्यालय कर्मचारीहरूको १ दिनको तलव भत्ता कट्टा गर्ने निर्णय गरेको छ।
यसका साथै विद्यालयका प्रधानाध्यापक गगनदेव सहनीलाई २४ घण्टाभित्र शिक्षा शाखामा लिखित रुपमा विद्यालय बन्द गर्नुको कारणको उचित स्पष्टीकरण पेश गर्न पनि निर्देशन दिइएको छ।
प्रतिक्रिया दिनुहोस् !