२२ असाज,काठमाण्डाैं । अख्तियार दुरुपयोग अनुसन्धान आयोगले बहुचर्चित पोखराको लिची बगान जग्गा घोटाला प्रकरणमा अनुसन्धान पूरा गरी विशेष अदालतमा भ्रष्टाचार मुद्दा दायर गरेको छ ।
जसमा दुई पूर्व मन्त्रीसहित सात जनालाई प्रतिवादी बनाइएको छ र सरकारी जग्गालाई गैरकानूनी तरिकाले व्यक्तिको नाममा दर्ता गर्ने प्रयास गरिएको भन्दै करिब ७८ लाख रुपैयाँ बिगो दाबी गरिएको छ।
मुद्दामा नेकपा (एमाले) नेता तथा पूर्व सामान्य प्रशासन मन्त्री राजकुमार गुप्ता र नागरिक उन्मुक्ति पार्टीकी अध्यक्ष तथा पूर्व भूमि व्यवस्थामन्त्री रञ्जिता श्रेष्ठ प्रमुख प्रतिवादी छन्।
यो प्रकरणमा अनुसन्धान अघि बढ्नुको मुख्य कारण पूर्व मन्त्री गुप्ताले बिचौलियासँग घुस लेनदेनको डिल गरेको अडियो सार्वजनिक हुनु थियो, जसले सार्वजनिक जग्गा हिनामिनामा राजनीतिक नेतृत्वको संलग्नताको गम्भीरतालाई उजागर गरेको थियो।
पूर्व मन्त्री गुप्ताले केपी शर्मा ओली नेतृत्वको सरकारमा सामान्य प्रशासन मन्त्रीको जिम्मेवारी सम्हालेका थिए भने पूर्व मन्त्री श्रेष्ठले पुष्पकमल दाहाल ‘प्रचण्ड’ नेतृत्वको सरकारमा भूमि व्यवस्था, सहकारी तथा गरिबी निवारण मन्त्रीको जिम्मेवारी सम्हालेकी थिइन्, र अख्तियारले यी दुई पूर्व मन्त्रीहरूको कार्यकालमा मन्त्रालयबाट भएका निर्णयहरूलाई केन्द्रमा राखेर अनुसन्धान गरेको थियो।
प्रतिक्रिया दिनुहोस् !