७ साउन,बारा । सिरहाको लहानस्थित आन्तरिक राजस्व कार्यालयका कर अधिकृत युवराज पाल घुस रकमसहित पक्राउ परेका छन्। अख्तियार दुरुपयोग अनुसन्धान आयोग बर्दिबासको टोलीले उनलाई नियन्त्रणमा लिएको हो। उनी ५ लाख रुपैयाँ घुस लिँदालिँदै पक्राउ परेका हुन्।
पालले सिरहा सुपर मार्केट प्रालिको पूर्ण कर परीक्षण गर्दै थिए। त्यसै क्रममा उनले घुस मागेका थिए। सुरुमा उनले १२ लाख रुपैयाँ मागेका थिए, पछि उनी ५ लाख रुपैयाँमा काम गर्न राजी भए।
उनले पहिले विभिन्न व्यक्तिमार्फत रकम बुझ्न खोजेका थिए, तर त्यो सम्भव भएन त्यसपछि उनले सेवाग्राहीलाई आफ्नै कार्यालयमा बोलाएर कार्यालयमै ५ लाख रुपैयाँ बुझ्ने क्रममा अख्तियारको टोलीले उनलाई पक्राउ गर्यो।
प्रतिक्रिया
